Sumqayıtda yol keçilməz vəziyyətdədir.
Sumqayit24.az-a müraciət edən Kotec qəsəbə sakini bildirib ki, İmam Sadiq məscidinin önündən keçən Pərviz Hüseynov küçəsində bir neçə ay əvvəl qazıntı işləri aparılıb. Əraziyə boruların yerləşdirilməsi üçün texnika cəlb olunub.
Lakin müəyyən bir müddət iş aparıldıqdan sonra proses naməlum səbəbdən dayandırılıb və küçə bu günə qədər əvvəlki vəziyyətinə qaytarılmayıb:
"Yağışlı havalarda vəziyyət daha da ağırlaşır. Palçıq və çuxurlar yolu daha keçilməz hala gətirir. Aidiyyəti şəxslər və qurumlardan məsələni həll etmələrini istəyirik".
