Bakı-Sumqayıt qatarlarında gecikmələr müşahidə olunur.
Sumqayit24.az xəbər verir ki, “Azərbaycan Dəmir Yolları” (ADY) QSC bununla bağlı məlumat yayıb. Qurumdan bildirilib ki, ADY ölkə ərazisində qeyri-sabit hava şəraiti ilə əlaqədar olaraq, hərəkətin təhlükəsizliyinin təmin edilməsi, sərnişinlərin mənzil başına təhlükəsiz çatdırılması məqsədilə gücləndirilmiş iş rejimində fəaliyyət göstərir.
Güclü külək və leysan səbəbindən bəzi sahələrdə su yığılması, ağacın kontakt şəbəkənin üstünə aşması və elektrik enerjisinin kəsintisi kimi hallar qeydə alındığı üçün Abşeron dairəvi, Bakı–Ağstafa–Bakı və Bakı–Balakən–Bakı marşrutları üzrə qatarların hərəkətində gecikmələr müşahidə olunur.
Baş verən bütün hallara qarşı öncədən hazırlıqlar görülüb və operativ reaksiya verilir.
“Hərəkət iştirakçılarına bu cür hava şəraitində dəmiryol keçidlərindən istifadə zamanı yüksək sayıqlıq göstərməyi və ehtiyatlı olmağı tövsiyə edir, sərnişinlərdən stansiya və platformalarda qatarları gözləyərkən diqqətli olmağı xahiş edirik”, - deyə məlumatda qeyd olunub.
Sumqayıt Dəmiryol Vağzalından görüntülər:
