Sumqayıtda yarımçıq qalan təmir işləri sakinlərin narazılığına səbəb olub.
Sumqayit24.az-a müraciət edən vətəndaşların sözlərinə görə, 13-cü mikrorayon, 34 nömrəli məktəbin yaxınlığında bir aydan artıqdır ki, ərazi qazılmış vəziyyətdədir və əvvəlki vəziyyətinə qaytarılmır.
Vətəndaşların iddiasına əsasən, ərazidə kanalizasiya sistemi ilə bağlı işlər aparılıb.
"Maşınımı ustaya aparmaqdan bezmişəm. Orada olan işçilərə deyirəm ki, yolu düzəldin, cavab verirlər ki, işlər hələ davam edir. Lakin heç bir iş görülmür. Gecə işdən qayıdanda maşınım az qala çuxura düşürdü", - deyə sakin narazılığını bildirib.
Sakinlər aidiyyəti qurumlardan təmir işlərinin qısa müddətdə yekunlaşdırılmasını və yolun əvvəlki vəziyyətinə gətirilməsini xahiş edirlər.
Məsələ ilə bağlı aidiyyəti quruma sorğu ünvanlanıb.
