Novxanı qəsəbəsində açıq quyu təhlükə yaradır.
Şikayətçilərin Sumqayit24.az-a verdiyi məlumata görə, Masazır gölündən Novxanıya gedən yolun kənarında yerləşən bu quyunun üzəri örtülmədiyi üçün bəzi avtomobillər ora düşür, nəticədə nəqliyyat vasitələrinə maddi ziyan dəyir.
Xüsusilə gecə saatlarında və zəif görünmə şəraitində açıq quyu demək olar ki, görünmür. Sakinlər məsələ ilə bağlı aidiyyəti qurumların operativ tədbir görməsini və ərazinin təhlükəsiz vəziyyətə gətirilməsini tələb edirlər.
