Novxanıda yerləşən istirahət mərkəzində nəsli kəsilmək üzrə olan heyvanlar acınacaqlı durumda saxlanılır. Bu haqda 11 iyul tarixində Sumqayıt24 Oxu.az-a istinadən məlumat verir.
“AF Hotel&Aqua Park” istirahət mərkəzi ərazisində “Qırmızı kitab”a düşən heyvanlar dar qəfəslərdə saxlanılır. Burada iki lan və bir ceyran balası, eləcə də vəhşi quşlar baxımsız, şəraitsiz vəziyyətdədir.
“Ceyranlardan biri hasarın üstündən tullanmağa çalışarkən sinəsindən zədə alıb, digərinin isə buynuzları qırılıb. Bütün heyvanlar acınacaqlı vəziyyətdədir və kiçik bir binada saxlanılır. Bu heyvanlarla bərabər, hotel ərazisində vəhşi quşlar da var. Hətta quşlardan biri baxımsızlıqdan xəstələnib. Xahiş edirik, heyvanları ən qısa zamanda azad etsinlər, onları yerli qoruqlardan birinə buraxsınlar. Sağlamlıqları üçün ciddi təhlükə var”, - deyə sakinlər vurğulayıblar.
