Ceyranbatan qəsəbəsində küçələrdən birində tez-tez antisanitar vəziyyətin hökm sürdüyü bildirilir
Sumqayit24.az-a müraciət edən sakinlərin sözlərinə görə, Gündüz Abdullayev küçəsində məişət tullantıları vaxtında daşınmır. Qeyd olunub ki, zibil qutularının günlərlə boşaldılmaması ərazidə xoşagəlməz mənzərə yaradır və küçəni keçilməz vəziyyətə salır.
Sakinlər bildirirlər ki, zibil qutularının ətrafına sahibsiz itlər toplaşır, ərazidə vəziyyət daha da acınacaqlı olur.
"Zibillər gec-gec daşınır. Səhər boşaldılmalı olan zibil qutuları günlərlə boşaldılmır. Uşaqlarımızı məktəbə apara bilmirik və ya məktəbə gedən zaman çətinlik çəkirik. Üfunət qoxusundan ərazidə dayanmaq olmur. Hər ay ödənişi 1-2 gün əvvəldən yığırlar. Zibil pulu indi 5 manatdır. Amma söhbət zibili boşaltmağa gələndə vəziyyət belə olur", - deyə sakinlərdən biri qeyd edib.
Vətəndaşlar aidiyyəti qurumlardan ərazidəki antisanitar vəziyyətin aradan qaldırılmasını və məişət tullantılarının vaxtında daşınmasını xahiş edirlər.
