Sumqayıt şəhərinin "Asfalt zavod" adlanan ərazisində yaşayan sakinlər yolların bərbad vəziyyətdə olmasından və küçə işıqlandırmasının olmamasından şikayətlənirlər.
Ərazidə yaşayanlar yolun bəzi hissələrinin sakinlərin öz vəsaitləri hesabına düzəldildiyini deyirlər.
"2013-cü ildən burada yaşayıram. Bu müddət ərzində bir nəfər də gəlib bizim problemimizlə maraqlanmayıb. Ərazi qəbiristanlığın ətrafında yerləşir. Nə işıq var, nə də normal yol. İnsanlar qorxa-qorxa gedib-gəlirlər", - deyə sakinlərdən biri bildirib.
Məsələ ilə bağlı Sumqayıt bələdiyyəsindən bildirilib ki, sözügedən ərazinin asfaltlanması və küçə işıqlarının quraşdırılması 2027-ci ilin tədbirlər planına daxil edilib və işlərin növbəti il ərzində həyata keçirilməsi nəzərdə tutulur.
Video: Baku TV
