Sumqayıtda növbəti sanitar problem yaranıb.
Sumqayit24.az-a müraciət edən Hacı Zeynalabdin qəsəbəsinin sakinləri bildiriblər ki, son günlər ərazidə heyvan birələrinin sayı kəskin artıb. Onların sözlərinə görə, əvvəlcə küçələrdə və binaların həyətlərində müşahidə olunan birələr artıq bloklara və mənzillərə də yayılmağa başlayıb.
Sakinlərin iddiasına əsasən, birələr artıq insanlara da hücum edir, bu isə xüsusilə uşaqlar və yaşlılar üçün ciddi narahatlıq yaradır.
Şikayətçilər aidiyyəti qurumlardan qəsəbədə təxirəsalınmaz dezinseksiya işlərinin aparılmasını və problemin qısa müddətdə aradan qaldırılmasını xahiş edirlər.
Qeyd edək ki, bu yay Sumqayıtda qurbağaların sayının artdığı, daha sonra isə müxtəlif növ çəyirtkələrin kütləvi şəkildə yayıldığı barədə məlumatlar yayılıb.
