Nəqliyyatı İntellektual İdarəetmə Mərkəzi (NİİM) bölgələrə səfər edənlərə müraciət edib. Bu haqda 18 mart tarixində Sumqayıt24 quruma istinadən məlumat verir.
“Novruz bayramı və tətil günləri ilə əlaqədar bölgələrə səfər edənlərin sayının çox olacağı gözlənilir. Bakı–Sumqayıt şosesi və şəhərə cənub istiqamətdən giriş-çıxışda rayonlara səfər edənlərin çox olması səbəbindən, xüsusilə də axşam saatlarında yollarda avtomobil sıxlığının yaranacağı ehtimal olunur.
Bunu nəzərə alaraq, vətəndaşlara tövsiyə edirik ki, səfərlərini erkən saatlara planlaşdırsınlar. Gücləndirilmiş iş rejimində çalışacaq NİİM-in əməkdaşları sürücülərə yollardakı vəziyyətlə bağlı mütəmadi olaraq məlumat verəcəklər”, – deyə müraciətdə bildirilib.
