Şəhid Rəvan Əliyevin bacısı ailə qurub. Sumqayıt24 bu haqda 17 iyul tarixində ShimalNews-a istinadən xəbər verir.
Toy şənliyi Qubada keçirilib. Məclisə şəhid ailələri, qohumlar, kənd sakinləri, rayon İcra Hakimiyyətinin rəsmiləri, hüquq-mühafizə orqanları, idarə, təşkilat, müəssisə rəhbərləri və məşhur paracüdoçu İlham Zəkiyev təşrif buyurublar.
Rəvan Əliyev 27 may 2001-ci ildə Sumqayıtda anadan olub. Quba şəhərində yaşayıb. 5 iyul 2019-cu ildə Yevlax şəhərində yerləşən Dövlət Sərhəd Qoşunlarında müddətli hərbi xidmətə başlayıb.
Vətən müharibəsində şücaət göstərən Rəvan 2020-ci il oktyabrın 23-də şəhid olub. Ölümündən sonra “Vətən uğrunda”, “İgidliyə görə”, “Zəngilanın azad olunmasına görə” medallarına layiq görülüb. [modula id="39263"]
