Saray qəsəbəsində qəsdən sağlamlığa ağır zərər vurmaqda təqsirləndirilən Rüfət Pərvanəyevin Ali Məhkəmədə kassasiya şikayətinə baxılıb.
Məlumata görə, hakim İlkin Abdullayevin sədrliyi ilə keçirilən iclasda kassasiya şikayəti təmin edilməyib.
İttihama əsasən, hadisə 2024-cü ildə gecə saatlarında Saray qəsəbəsində baş verib. Rüfət Pərvanəyev tanışı Səxidən pulunu almaq üçün onun usta işlədiyi evə gedib. Ev sahibi D.D. ilə aralarında yaranan mübahisə davaya çevrilib. Bu zaman Rüfət Pərvanəyev cib bıçağı ilə ona bir zərbə endirib.
Bıçaq zərbəsi nəticəsində zərərçəkmiş ağır bədən xəsarəti alıb.
Sumqayıt Ağır Cinayətlər Məhkəməsi onu Cinayət Məcəlləsinin 126.1-ci maddəsi ilə 5 il azadlıqdan məhrum edib. Sumqayıt Apellyasiya Məhkəməsi isə cəzanı 6 ilə qaldırıb. Həmçinin əvvəlki məhkəmə qərarı ilə icra olunmamış 1 750 manat cərimə də yeni cəzaya əlavə edilib.
Beləliklə, Rüfət Pərvanəyev barəsində qəti olaraq 6 il azadlıqdan məhrumetmə və 1 750 manat cərimə cəzası qüvvədə saxlanılıb.
Qeyd edək ki, adlar şərtidir.
Mənbə: Pravda.az
