Sumqayıt Dövlət Universiteti (SDU) magistratura səviyyəsinə qəbul olunan tələbələrə elektron qeydiyyat prosesi ilə bağlı müraciət edib.
Sumqayit24.az təhsil ocağının yaydığı məlumata istinadən xəbər verir ki, elektron qeydiyyat zamanı myGov portalına aşağıdakı sənədlər yüklənməlidir:
- cari ilin məzunları üçün universiteti bitirmə haqqında arayış;
- bakalavr təhsilini əvvəlki illərdə başa vuranlar üçün diplom və diploma əlavənin surəti;
- ödənişli əsaslarla qəbul olunanlar üçün təhsil haqqının ödənilməsini təsdiq edən qəbz;
- sosial statusa malik bakalavrlar üçün müvafiq statusu təsdiq edən sənədlərin notariat qaydasında təsdiq olunmuş surətləri.
