“Regional İnkişaf” İctimai Birliyi (RİİB) Sumqayıt Dövlət Universitetində (SDU) təhsil alan gənclərlə görüş keçirib.
Sumqayit24.az xəbər verir ki, görüş çərçivəsində RİİB-in fəaliyyət istiqamətləri, məqsədləri və vəzifələri, həmçinin elm, təhsil, sosial, idman, səhiyyə və digər sahələrdə həyata keçirdiyi layihələr barədə danışılıb.
Tədbirin davamında İctimai Birliyin könüllü sıralarına qoşulmaq istəyən gənclərlə fərdi görüşlər keçirilib və qeydiyyatları aparılıb.
Qeyd edək ki, gənclər arasında könüllülük fəaliyyətini təşviq etmək məqsədilə digər regionlarda da bu cür təqdimatların keçirilməsi nəzərdə tutulur.
