Sumqayıt Dövlət Universiteti (SDU) ilə Azərbaycan Qiymətləndiricilər Cəmiyyəti arasında əməkdaşlıq memorandumu imzalanıb.
Sumqayit24.az xəbər verir ki, razılaşmaya əsasən, tərəflər qiymətləndirmə sahəsində beynəlxalq standartların tətbiqi, birgə elmi-tədqiqat layihələrinin həyata keçirilməsi, tələbələrin istehsalat təcrübəsinin təşkili, təlim və sertifikatlaşdırma proqramlarının hazırlanması istiqamətində əməkdaşlıq edəcəklər.
Görüşdə bildirilib ki, əməkdaşlığın məqsədi əmək bazarının tələblərinə uyğun mütəxəssis hazırlığına və qiymətləndirmə sahəsində peşəkar kadr potensialının gücləndirilməsinə töhfə verməkdir.
