Sumqayıt Dövlət Dram Teatrı yeni “Mən teatr haqqında danışmaq istəyirəm” adlı layihəsini təqdim edəcək. Bu barədə teatrın sosial şəbəkə səhifəsinə istinadən xəbər veririk.
27 mart tarixində gerçəkləşəcək layihənin məqsədi məktəblilərdə qədim tarixi olan Azərbaycan teatrı, onun inkişaf yolları, dünya teatrları haqda dolğun təəssürat yaratmaq, həmçinin onları tanınmış incəsənət xadimlərinin yaradıcılığı ilə tanış etməkdir.
Şagirdlər tamaşaların hazırlanması prosesini izləyəcək. Onlar qrim, məşq otaqları, rəssam, butafor sexi və digər komponentlərlə yaxından tanış olacaq. Bir tamaşaya baxışdan sonra azyaşlı tamaşaçılar öz təəsüratlarını bölüşəcək və diskusiya aparılacaqlar.
