15 yaşadək qızlardan ibarət Azərbaycan milli komandası avqustun 9-dək Bakıda təlim-məşq toplanışında olacaq.
Sumqayit24.az AFFA-ya istinadən xəbər verir ki, UEFA İnkişaf Turnirində iştirak edəcək U-15 avqustun 9-da yarışın təşkil olunacağı Qazaxıstanın Şimkənd şəhərinə yollanacaq.
Heyətə dəvət edilən futbolçuların arasında "Sumqayıt"ın 4 üzvü - Fatimə İbrahimzadə, Nazlı Məmmədzadə, Minayə Sadıxova və Zeynəb Cabbarlı da var.
Qeyd edək ki, yığmamız Qazaxıstan, Rusiya və Belarusun eyni yaş qrupundan olan milliləri ilə qarşılaşacaq.
