Sumqayıtda sahibkarlar üçün növbəti təlimlər keçirilib. Bu haqda bu gün, 19 may tarixində KOB İnkişaf Mərkəzinin Facebook hesabına istinadən xəbər veririk.
Sumqayıt KOB İnkişaf Mərkəzinin ekspertləri restoran şəbəkəsinin işçilərinə “Turizm sektorunda maarifləndirmə və xidmət keyfiyyətin artırılması” mövzusunda təlim keçib. Təlim zamanı restoranlarda xidmət keyfiyyəti standartları, müştərilərlə düzgün ünsiyyət yolları və müştəri məmnunluğunun yüksəldilməsi yolları barədə iştirakçılara məlumatlar verilib.
Növbəti təlim istehsalat müəssisəsinin işçiləri üçün “S.Ə.T.Ə.M.” mövzusunda keçirilib. Təlimdə ekspertlər əməyin mühafizəsi, qanunvericiliyin tələbləri, təhlükələrin müəyyən olunması və risklərin qiymətləndirilməsi barədə danışıblar. Fövqəladə hal zamanı davranış qaydaları, qapalı sahədə işlərin aparılma yolları haqda məlumatlar verilib.
