Sumqayıt şəhəri, 1-ci məhəllədə aparılan işlərdən sonra yaranan vəziyyət narazılığa səbəb olub.
Sakinlərin Sumqayit24.az-a verdiyi məlumata görə, 98 nömrəli binanın qarşısında su borusunda baş verən qəza aradan qaldırılsa da, qazıntı işlərindən sonra yol əvvəlki vəziyyətinə qaytarılmayıb. Nəticədə qarajların qarşısı keçilməz hala düşüb, asfalt örtüyü dağılıb, torpaq isə ətrafa yayılıb.
Sakinlər bildirirlər ki, bu yol məktəblilərin hərəkət etdiyi əsas ərazilərdən biridir. Onlar payız aylarında yağışlar başlayacağı təqdirdə vəziyyətin daha da ağırlaşacağından narahatdırlar.
Ərazi sakinləri aidiyyəti qurumlardan asfalt örtüyünün yenilənməsini xahiş edirlər.
