Sumqayıt sakininin də həlak olduğu terror hadisəsindən 16 il ötür.
Sumqayit24.az xəbər verir ki, 30 aprel 2009-cu ildə Azərbaycan Dövlət Neft və Sənaye Universitetində (keçmiş Neft Akademiyası) qan donduran hadisə baş verib. Belə ki, Gürcüstan vətəndaşı Fərda Qədirov universitetin ikinci korpusuna daxil olub və binanın hər bir mərtəbəsində qarşısına çıxan şəxslərə “Makarov” tipli tapançadan atəş açıb. Sonra isə özü də intihar edib.
Nəticədə, 1988-ci il təvəllüdlü Sumqayıt sakini Taleh Məmmədov daxil 12 nəfər qətlə yetirilib, 13 nəfər isə yaralanıb.
Qeyd edək ki, terror aktını törədən Fərda Qədirovun Gürcüstan vətəndaşı Mardun Qumaşyan adlı erməni ilə mütəmadi əlaqədə olması və erməni xüsusi xidmət orqanlarının sifarişini yerinə yetirdiyi məlum olub. Hətta bunun üçün ona külli miqdarda pul və silah verilib.
