Sumqayıtın müxtəlif ərazilərində antisanitar vəziyyətlə bağlı sakinlər narazılıq edirlər.
Bu barədə Sumqayit24.az-a şəhər sakini məlumat verib.
Vətəndaş yolboyu hərəkət etdiyi ərazilərdə yerə atılmış məişət tullantılarını görüntüləyərək redaksiyamıza göndərib.
Onun sözlərinə görə, antisanitar vəziyyət Çerkassı küçəsini, ara yolları, dəmir yolu ətrafını, eləcə də məhəllədaxili küçələri əhatə edir.
"Şəhərdə demək olar ki, otluq ərazilərin və yol kənarlarının əksəriyyəti bu vəziyyətdədir. Tullantılar yığışdırılır, lakin qısa müddət sonra yenidən sakinlər ərazini zibilləyirlər", - deyə sakin bildirib.
Vətəndaş sakinləri ətraf mühiti təmiz saxlamağa və daha məsuliyyətli davranmağa çağırıb. O, eyni zamanda, müvafiq qurumlardan şəhərdə təmizliklə bağlı nəzarət tədbirlərinin gücləndirilməsini xahiş edib.
