Sumqayıtda təhsil ocağı 9-cu sinif şagirdlərinin buraxılış imtahanının riyaziyyat fənni üzrə ən yüksək nəticə göstərən məktəblər arasında birinci yerdədir.
Bu barədə 2025-ci ilə aid tələbə qəbulu və ümumi təhsil müəssisələri üzrə buraxılış imtahanlarının nəticələrinə dair elmi-statistik materialların yer aldığı "Abituriyent" jurnalının 12-ci nömrəsində məlumat verilib.
Orta bal göstəricisinə əsasən, ilk yeri Sumqayıt şəhəri Təbiət elmləri təmayüllü gimnaziyaı tutub. Təhsil müəssisəsində imtahanda iştirak edən 100 şagirdin orta bal göstəricisi 94,68 faiz olub.
Bundan əlavə, Sumqayıt şəhəri Texniki və təbiət elmləri liseyi və Sumqayıt şəhəri "İstedad" liseyi də yüksək nəticə göstərən məktəblər sırasındadır.
Sumqayıt şəhəri Texniki və təbiət elmləri liseyində 108 şagirdin orta balı 80,44 faiz, Sumqayıt şəhəri "İstedad" liseyində 64 şagirdin orta bal göstəricisi 73,37 faiz olub.
Bundan başqa, 11-ci sinif şagirdlərinin buraxılış imtahanında Sumqayıt şəhəri Təbiət Elmləri Təmayüllü Gimnaziyası Azərbaycan dili, ingilis dili və riyaziyyat fənləri üzrə ölkənin ən yüksək nəticə göstərən məktəbləri sırasında ilk yeri tutub.
Mənbə: Azedu.az
