Sumqayıt müxtəlif ölkələrin şəhərləri ilə qurduğu qardaşlıq və tərəfdaşlıq münasibətləri sayəsində beynəlxalq əməkdaşlıq şəbəkəsini genişləndirib.
Sumqayit24.az xəbər verir ki, şəhərin hazırda Avropa və Asiyanın müxtəlif ölkələrini təmsil edən ümumilikdə 13 şəhərlə dostluq, qardaşlaşma və tərəfdaşlıq əlaqələri mövcuddur.
Sumqayıtın qardaş və tərəfdaş şəhərləri bunlardır:
- Almaniya – Lüdviqshafen;
- Rumıniya – Piteşti;
- Çin Xalq Respublikası (Xunan əyaləti) – Çju Cou;
- Avstriya – Lins;
- İtaliya – Genuya;
- İtaliya – Bari;
- Türkiyə – Ceyhan;
- Türkiyə – Samsun;
- Belarus – Mogilyov;
- Gürcüstan – Rustavi;
- Qazaxıstan – Aktau;
- Ukrayna – Cerkassı;
- Rusiya – Nevinnomıssk.
Qeyd edək ki, qardaş və tərəfdaş şəhər əlaqələri müxtəlif ölkələrin şəhərləri arasında dostluğun və qarşılıqlı əməkdaşlığın möhkəmləndirilməsinə, təcrübə mübadiləsinin genişləndirilməsinə xidmət edir. Bu əməkdaşlıq çərçivəsində iqtisadiyyat, sənaye, təhsil, mədəniyyət, idman, gənclər siyasəti və yerli idarəetmə sahələrində birgə layihələr həyata keçirilir, mədəni tədbirlər, sərgilər, idman yarışları, iqtisadi forumlar təşkil olunur, həmçinin rəsmi nümayəndə heyətlərinin qarşılıqlı səfərləri reallaşdırılır.
