Bakı–Sumqayıt yolunun bir hissəsində işıqlandırma problemi hələ də həllini tapmayıb.
Sumqayit24.az-a müraciət edən şikayətçinin sözlərinə görə, magistralın DYP-nin Saray postu ilə Ceyranbatan qəsəbəsi arasındakı hissəsində işıq dirəkləri quraşdırılsa da, onlar işləmir. Bu səbəbdən axşam saatlarında ərazi tamamilə qaranlığa qərq olur və bu, yol hərəkəti iştirakçıları üçün ciddi təhlükə yaradır:
"Qara geyimdə piyada qəfil yola çıxsa, sürücülər onu vaxtında görə bilməz. Bu isə ağır yol-nəqliyyat hadisəsinə səbəb ola bilər."
Vətəndaş aidiyyəti qurumlardan sözügedən ərazidə işıqlandırma sisteminin işlək vəziyyətə gətirilməsini xahiş edir.
