Sumqayıtda dənizdə çimən dörd dostdan biri dünyasını dəyişib.
Məlumata görə, Quba rayonunun Güləzi kəndindən olan gənclər işləmək üçün Sumqayıta gəliblər. İstirahət günü onlar dənizdə çimərkən batma təhlükəsi ilə üzləşiblər.
Hadisə yerinə cəlb olunan Fövqəladə Hallar Nazirliyinin əməkdaşları 2001-ci il təvəllüdlü Məhəbbət Fətəliyev, 2000-ci il təvəllüdlü Sahil Mustafayev və 2001-ci il təvəllüdlü Elbrus Cəlalovu xilas ediblər.
Lakin 2005-ci il təvəllüdlü Niyaz Pirməmmədovun həyatını xilas etmək mümkün olmayıb. Gənc suda boğularaq həyatını itirib.
Məlumata görə, Niyaz Pirməmmədovun nəşi ötən gecə doğulduğu Quba rayonuna aparılıb və bu gün Güləzi kəndində dəfn olunub.
Bildirilir ki, o, ailənin yeganə oğul övladı olub, üç bacının bir qardaşı idi.
Faktla bağlı araşdırma aparılır.
Mənbə: Shimal.News
