Sumqayıtda 30 nömrəli marşrut avtobusu ilə bağlı şikayətlər davam edir.
Sumqayit24.az-a müraciət edən sərnişinlərin sözlərinə görə, avtobusda kondisionerlər işləmir. Bu isə xüsusilə isti havalarda yaşlı sərnişinlər və uşaqlar üçün ciddi narahatlıq yaradır.
Redaksiyamıza göndərilən videodan da aydındır ki, avtobus hərəkətdə olarkən ön qapı və pəncərələr açıq saxlanılır.
"İnsanlar avtobusdan istifadə edərkən çox əziyyət çəkirlər. Qapını isə açıq saxlayırlar. Bu isə təhlükəlidir", - deyə vətəndaş narahatlığını ifadə edib.
Sakinlər aidiyyəti qurumlardan avtobuslarda kondisionerlərin işlək vəziyyətə gətirilməsini xahiş edirlər.
Qeyd edək ki, Sumqayit24.az daha əvvəl də 30 nömrəli marşrut avtobuslarında kondisionerlərin işləməməsi ilə bağlı sakinlərin şikayətlərini işıqlandırıb.
