Sumqayıtda iki azyaşlı dəm qazından zəhərlənib.
Teleqraf.az-ın məlumatına görə, hadisə 16-cı məhəllədə qeydə alınıb. Belə ki, 16 yaşlı Hüseyn Kərimli və 13 yaşlı Aliyə Kərimli yaşadıqları evdə dəm qazından zəhərləniblər. Azyaşlılar Sumqayıt şəhər Uşaq Xəstəxanasına yerləşdiriliblər. Hazırda onların müalicəsi davam etdirilir. Vəziyyətləri ilə bağlı əlavə məlumat verilməyib.
Faktla bağlı araşdırma aparılır.