Sumqayıtda ciddi narahatlıq doğuran hadisə baş verib.
Sumqayit24.az-a müraciət edən sakinlərin sözlərinə görə, naməlum şəxs öz həyətində saxladığı döyüş cinsli iti Nəsimi adına parkın ərazisinə gətirərək sərbəst buraxıb. Aqressiv davranan it parkda yaşayan və birkalanmış küçə itlərinə, eləcə də balalarına hücum edərək onları parçalayıb.
Sakinlər bildirirlər ki, bundan sonra döyüş iti ərazidə olan insanlara da hücum etməyə cəhd edib və parkda təşviş yaranıb.
Şikayətçilər məsələ ilə bağlı aidiyyəti qurumlara müraciət edərək hadisənin araşdırılmasını, itin sahibinin müəyyən edilərək məsuliyyətə cəlb olunmasını və ictimai təhlükəsizliyin təmin olunması üçün təcili tədbirlər görülməsini tələb edirlər. 
