Sumqayıt avtomobil elanlarının sayına görə ölkədə ikinci yerdə qərarlaşıb.
Bu ilin iyul ayı üzrə Sumqayıt şəhərindən onlayn avtomobil satış platformalarına ümumilikdə 2704 elan yerləşdirilib. Bu göstərici ilə şəhər Bakıdan sonra ikinci sırada yer alıb.
Məlumata görə, Sumqayıtda satışa çıxarılan avtomobillər arasında ən çox "Mercedes", "Hyundai" və "Kia" markalarına rast gəlinib.
Araşdırmaya əsasən, şəhərdə satışa çıxarılan avtomobillərin orta qiyməti 14.800 manat təşkil edib. Müqayisə üçün qeyd edək ki, bu göstərici Bakıda 21.700 manat olub.
Siyahıda üçüncü yeri 1810 elanla Gəncə tutub. Daha sonrakı yerlərdə isə Şəmkir, Lənkəran, Xırdalan, Quba, Xaçmaz, Bərdə, Masallı, Şirvan, Mingəçevir, Şəki, Tovuz və Cəlilabad qərarlaşıb.
Mənbə: Yeniavaz.cоm
