Sumqayıtda “Hakimlik fəaliyyətində stres faktoru və onun idarə olunması” mövzusunda təlim keçirilib.
Sumqayit24.az Ədliyyə Nazirliyinə istinadən xəbər verir ki, Ədliyyə Nazirliyinin və Məhkəmə-Hüquq Şurasının birgə təşkilatçılığı ilə iyun-iyul aylarında ölkənin müxtəlif bölgələrində fəaliyyət göstərən məhkəmələrin hakimləri ü çün silsilə təlimlər təşkil olunub.
Sumqayıtda da keçirilən bu təlimdə müxtəlif instansiyalarda çalışan – o cümlədən apellyasiya və birinci instansiya məhkəmələrində fəaliyyət göstərən hakimlər iştirak ediblər.
Qeyd olunub ki, təlimlər yüksək emosional və psixoloji təzyiq şəraitində çalışan hakimlərin emosional dayanıqlılığının gücləndirilməsi, stresin səbəblərinin daha dərindən anlaşılması və bu hallar qarşısında praktiki idarəetmə bacarıqlarının inkişaf etdirilməsi məqsədi daşıyıb.
Təlimlər zamanı iştirakçılar stresin hüquqi sahədə spesifik mənbələri barədə məlumatlanıb, gündəlik praktikadan nümunələr üzərində analiz aparılıb, mindfulness (diqqət toplama) texnikaları və nəfəs məşqləri ilə tanış olub, münaqişə hallarında empatik ünsiyyət və neytral yanaşmanın tətbiqini müzakirə ediblər.
Eyni zamanda, təlim hakimlərin yumşaq bacarıqlarının inkişaf etdirilməsinə, psixoloji rifahının və peşə fəaliyyətində effektivliyin artırılmasına yönəlib və gələcəkdə davamlı şəkildə keçirilməsi nəzərdə tutulur.
