Sumqayıtda evlərə verilən elektrik cərəyanı bütün məişət avadanlıqlarını sıradan çıxarıb.
Sumqayit24.az-a daxil olan məlumata görə, bu gün Yaşıl Dərə yaşayış massivində elektrik cərəyanının gərginliyində kəskin sıçrayış müşahidə edilib. Nəticədə bütün məişət elektrik avadanlıqlarına ziyan dəyib.
“Soyuducu, kondisioner və digər məişət avadanlıqları sıradan çıxıb”, - deyə zərəçəkən bildirib.
Vətəndaşların sözlərinə əsasən, heç bir məsul qurum məsələni həll etmək istəmir.
“Azərişıq” ASC və digər qurumların qaynar xətlərinə müraciət etsək də, heç kim problemin həllində maraqlı deyil” - deyə sakinlər bildiriblər.
Vətəndaşlar aidiyyəti qurumlardan bu vəziyyətin tez bir zamanda aradan qaldırılmasını və bir daha təkrarlanmamasını tələb edirlər.
