Sumqayıtın müxtəlif ərazilərində son günlər elektrik enerjisinin verilişi ilə bağlı problemlər müşahidə olunur.
Sumqayit24.az-a daxil olan çoxsaylı müraciətlərə görə, xüsusilə Corat bağları, Kotec və Kimyaçılar qəsəbəsində işıqlar bir anda zəifləyir, sonra isə qəfil güclənir. Bu səbəbdən evlərdə istifadə olunan məişət texnikası sıradan çıxır.
Bununla yanaşı, 5-ci mikrorayon və Bulvar küçəsi ərazisində yerləşən binalarda da elektrik enerjisinin tez-tez kəsildiyi bildirilir. Sakinlər gün ərzində bir neçə dəfə işıqların sönüb-yandığını, bunun həm məişətdə, həm də iş fəaliyyətində ciddi narahatlıq yaratdığını deyirlər.
Məsələ ilə bağlı "Azərişıq" ASC-yə sorğu ünvanlanıb.
