Sumqayıtda narkotik maddənin təsiri nəticəsində ölüm faktı qeydə alınıb.
Hadisə H.Z.Tağıyev qəsəbəsində baş verib. Sumqayit24.az xəbər verir ki, ilkin məlumatlara görə, 48 yaşlı Aqil Quliyev səhhətində qəfil yaranan problemlə əlaqədar təcili şəkildə xəstəxanaya aparılıb. Lakin xəstəxanaya çatmadan yolda vəfat edib.
İlkin ehtimallar hadisənin səbəbi kimi narkotik maddənin orqanizmə göstərdiyi mənfi təsiri göstərir. Hazırda fakt üzrə hüquq-mühafizə orqanları tərəfindən araşdırmalara başlanılıb, müvafiq tibbi ekspertiza təyin edilib.
Hadisənin dəqiq səbəbləri ekspertiza və istintaq tədbirləri başa çatdıqdan sonra məlum olacaq.
