Sumqayıtda qətl hadisəsi baş verib.
Report.az-ın məlumatına görə, hadisə 2-ci mikrorayonda qeydə alınıb.
Bildirilib ki, 1970-ci il təvəllüdlü Arif Bağıyev küçədə bıçaqlanaraq qətlə yetirilib.
Polis əməkdaşlarının keçirdiyi əməliyyat-axtarış tədbirləri nəticəsində qətli törətməkdə şübhəli bilinən Nurullah Mərdanov saxlanılıb.
Qeyd edək ki, N.Mərdanov A.Bağıyevin qızının həyat yoldaşıdır. Siyəzən rayon sakini A.Bağıyev kürəkəni ilə qızı arasında yaşanan mübahisəni aydınlaşdırmaq məqsədilə Sumqayıta gəlib.
Bundan əlavə, N.Mərdanov hadisədən əvvəl həyat yoldaşına da xəsarətlər yetirib.
Faktla bağlı araşdırmalar aparılır.
