Sumqayıtda piyadanın ölümü ilə nəticələnən yol-nəqliyyat hadisəsi baş verib.
Report.az-ın məlumatına görə, hadisə gecə saatlarında şəhərin Sülh prospektində qeydə alınıb.
“Hyundai” markalı avtomobil yolu keçmək istəyən piyadalar - Xalidə Cabbarova və Yeganə Əmrahovanı vurub.
Qəza nəticəsində Xalidə Cabbarova aldığı xəsarətlərdən hadisə yerində keçinib. Ağır bədən xəsarətləri alan Yeganə Əmrahova isə xəstəxanaya çatdırılıb.
Faktla bağlı araşdırma aparılır.
