Sumqayıtda yol hərəkəti qaydalarını pozan moped sürücülərinin görüntüləri yayılıb. Sumqayıt24 bu haqda 17 iyul tarixində xəbər verir.
Baş Dövlət Yol Polisi İdarəsinin inspektoru, leytenant Elvin Hacıyev Lent.az-a bildirib ki, Sumqayıtda, həmçinin respublikanın digər şəhər və rayonlarında qayda pozan moped sürücüləri barələrində tədbirlər görülüb.
Qeyd olunub ki, bəzi moped sürücüləri dövlət qeydiyyat nişanının olmamasından istifadə edərək kobud qayda pozuntuları törədirlər. Bununla da həm özlərinə, həm də ətrafdakılara təhlükə yaradırlar.
Bu ilin 6 ayı ərzində Azərbaycanda mopedlərin iştirakı ilə 26 qəza baş verib. Bunlardan 10-u ölümlə nəticələnib, 19 nəfər isə xəsarətlər alıb.
