Sentyabr ayında Bakıda və Sumqayıtın da daxil olduğu Abşeron yarmadasında havanın temperaturu iqlim norması ilə müqayisədə 14 gün normadan yuxarı (0.3-4.9 dərəcə),16 gün isə normadan aşağı (0.2-5 dərəcə) olub.
Sumqayit24.az xəbər verir ki, bunu Milli Hidrometeorologiya Xidmətinin rəisi Nazim Mahmudov bildirib.
O qeyd edib ki, sentyabr ayının orta aylıq temperaturu 21.4 dərəcə isti olub ki, bu da iqlim normasından 0.5 dərəcə aşağıdır.
Ötən ay havanın maksimal temperaturu Sumqayıtda sentyabrın 3-ü müsbət 37.1 dərəcə, minimal temperatur isə sentyabrın 15-də 11.9 dərəcə isti qeydə alınıb.
