Sumqayıtda uşağı it dişləyib. Sumqayıt24 bu haqda 17 iyul tarixində xəbər verir.
Balakən qeydiyyatında olan, Sumqayıtda məskunlaşan 8 yaşlı Tunar Mirqafarov ailə üzvləri ilə birlikdə 8 iyul tarixində ağır vəziyyətdə Uşaq Xəstəxanasına daxil olub. Uşağın itin hücumuna məruz qaldığı və bundan sonra quduzlaşdığı iddia edilib.
TƏBİB-dən verilən məlumata görə, baş, qol və kürək nahiyələrindən xəsarətlər alan Tunara ilkin tibbi yardım göstərilib, cərrahi əməliyyatlar həyata keçirilib.
Eyni zamanda ona quduzluq əleyhinə immunoqlobulin və sxemə uyğun antrabik vaksini vurulub. Hazırda pasiyentin müalicəsi davam etdirilir, vəziyyəti stabildir.
