Sumqayıtda küçələrdən birində yerləşən piyadalar üçün nəzərdə tutulan nişanla bağlı şikayət var.
Sumqayit24.az-a daxil olan məlumata görə, Sülh küçəsində yerləşən piyada keçidi nişanlarından biri ağacların arxasında qaldığı üçün görünmür.
Şikayətçinin sözlərinə əsasən, bu vəziyyət xüsusilə gecə saatlarında yol hərəkəti iştirakçıları üçün çaşqınlıq yaradır və təhlükəli vəziyyətlərə səbəb ola bilər.
Bundan əlavə, həmin ərazidə yerləşən digər piyada keçidi nişanı qismən ağacların arxasında qalıb. Lakin bəhs etdiyimiz piyada keçidi nişanı ilə müqayisədə onun daha yaxşı göründüyü bildirilir.
Sakinlər aidiyyəti qurumlardan məsələnin araşdırılmasını və problemin aradan qaldırılmasını tələb edirlər.
