Sumqayıtda 10 nömrəli avtobusdan yenə şikayət var.
Sumqayit24.az-a daxil olan məlumata görə, Yaşıl dərə istiqamətinə gedən 10 nömrəli avtobusda vəziyyət olduqca acınacaqlıdır.
Sərnişinlərin məlumatına əsasən, bu avtobuslar tez-tez xarab olub yolda qalır. Fotodan da aydındır ki, 2 avtobus yolda qalıb.
Eyni zamanda, vətəndaşlar avtobusdakı sıxlqlıdan da narazıdılar.
“Sıxlığa görə, avtobusa minmək və enmək müşkül məsələyə çevrilib. Bundan əlavə, avtobusdakı bütün tutaqcaqlar qırıqdır və bu da biz sərnişinlər üçün ciddi təhlükə yaradır”,- deyə şikayətçilərdən biri bildirib.
Xatırladaq ki, bu, marşrutla bağlı ilk şikayət deyil. 11 sentyabr tarixində avtobusun hərəkət qrafiki və sıxlıqla bağlı problem tərəfimizdən işıqlandırılmışdı.
Vətəndaşlar bir daha aidiyyəti qurumlardan bu problemlərin həll edilməsini tələb edirlər.
