Sumqayıtda fəaliyyət göstərən marşrut avtobuslarından biri növbəti dəfə yolda qalıb.
Bu barədə Sumqayit24.az-a vətəndaşlar məlumat veriblər.
Sakinlərin sözlərinə görə, 33 nömrəli marşrut avtobusu səhər saatlarında xarab olub və yolda qalıb.
"Səhər saat 08:50 radələrində avtobus xarab oldu. Sərnişinlər məcbur qalıb yollarına piyada davam etdilər", - deyə yerli sakin bildirib.
Qeyd edək ki, bu, 33 nömrəli marşrut avtobusunun yolda qalması ilə bağlı ilk hal deyil.
Sumqayit24.az bu ildə dəfələrlə eyni problemlə bağlı xəbərlər yayımlayıb.
Belə ki, yanvarın 29-da, martın 2-də, iyunun 4-də həmin marşrut avtobusunun texniki nasazlıq səbəbindən yolda qalması barədə redaksiyamız xəbər işıqlandırıb.
