Sumqayıt sakini qardaşı tərəfindən Qubada bıçaqlandı.
Shimal.News-ın məlumatına görə, əslən Laçın rayonundan olan Şamama Salam qızı Kərimova kəsik-deşik xəsarətləri ilə ağır vəziyyətdə Quba Rayon Mərkəzi Xəstəxanasına yerləşdirilib. Həkimlər onun həyatını xilas etmək üçün təcili əməliyyata başlayıblar.
İlkin məlumatlara əsasən, 3 gün əvvəl kənd sakini E. Salıyev Sumqayıtda yaşayan Ş.Kərimovanı qaçırıb. Qadının qohumları onun yerini öyrənərək kəndə gəliblər. Burada yaranan mübahisə zamanı qadının qardaşı M. Məhərrəmov bacısına bıçaqla ağır xəsarətlər yetirib və hadisə yerindən qaçıb.
İddia edilir ki, Ş.Kərimova bundan əvvəl də ailəli olub.
Polis əməkdaşları tərəfindən cinayət əməlini törətməkdə şübhəli bilinən, M.Məhərrəmov saxlanılaraq istintaqa təhvil verilib.
Araşdırma aparılır.
