Nəsimi adına Mədəniyyət və İstirahət Parkında yaşıllığın məhv edildiyi iddia olunur.
Bu barədə Sumqayit24.az-a müraciət edən şəhər sakinləri bildiriblər. Onların sözlərinə görə, Şəhidlər xiyabanı ilə "Göyərçin" abidəsi arasında yerləşən ərazi ağac və kol örtüyündən "təmizlənir".
Sakinlər hesab edirlər ki, aparılan işlər nəticəsində parkın yaşıllıq sahəsi azalır və gələcəkdə ərazi tikinti meydançasına çevrilə bilər:
"Belə getsə, ətrafdakı ağaclar da məhv ediləcək. Bu park Sumqayıtın ən çox ziyarət olunan istirahət məkanlarından biridir. Yaşıllığın qorunmasını istəyirik".
Şikayətçilər aidiyyəti qurumlardan aparılan işlərlə bağlı ictimaiyyətə aydın məlumat verilməsini və yaşıllıq sahələrinin qorunmasını xahiş edirlər.
Məsələ ilə bağlı Sumqayıt Şəhər İcra Hakimiyyətinə sorğu göndərilib.
