Sumqayıtın ən gediş-gəlişli yerlərindən biri gecələr tamamilə zülmətə qərq olur.
Sumqayit24.az-a müraciət edən sakinlərin sözlərinə görə, Cəfər Cabbarlı küçəsinin 5-ci mikrorayondan keçən hissəsində, tanınmış yazıçı və dramaturq Cəfər Cabbarlının büstü ətrafında yerləşən işıq dirəkləri uzun müddətdir ki, işlək vəziyyətdə deyil. Nəticədə gecə saatlarında bu ərazi qaranlığa bürünür və sakinlərin hərəkəti xeyli çətinləşir.
Vətəndaşlar bildirirlər ki, bu problem təkcə estetik baxımdan deyil, həm də təhlükəsizlik baxımından narahatlıq yaradır. Onlar işıqlandırma sisteminin tezliklə bərpa olunacağına ümid edirlər.
