Abşeron-Xızı Regional Təhsil İdarəsinə yeni müdir təyin edilib.
Sumqayit24.az xəbər verir ki, elm və təhsil naziri Emin Əmrullayevin müvafiq əmri ilə Elxan Nəcəfov bu vəzifəyə gətirilib.
O, 2024-2026-cı illərdə Naxçıvan Muxtar Respublikasının təhsil naziri vəzifəsində çalışıb. Daha əvvəl Lənkəran-Astara Regional Təhsil İdarəsinin müdiri və Naxçıvan təhsil nazirinin müavini olub.
Qeyd edək ki, idarə Sumqayıt şəhəri, Abşeron rayonu və Xızı rayonu ərazisində təhsil sahəsində dövlət siyasətini həyata keçirir.
İndiyədək idarəyə rəhbərlik edən İlhamə Abdullayeva isə Məktəbəqədər və Ümumi Təhsil üzrə Dövlət Agentliyinin Uşaq rifahı və inkişafı şöbəsinin müdiri təyin olunub.