Bu gün sumqayıtlı şəhidin anım günüdür.
Sumqayit24.az xəbər verir ki, şəhid Elvin İsmayılov 28 mart 2002-ci ildə Sumqayıtda anadan olub.
8 may 2020-ci ildə Səfərbərlik və Hərbi Xidmətə Çağırış üzrə Dövlət Xidmətinin Sumqayıt şəhər üzrə Hərbi Komissarlığı tərəfindən müddətli həqiqi hərbi xidmətə çağırılıb. Beyləqan rayonunda yerləşən "N" saylı hərbi hissədə xidmət edib.
Azərbaycan Ordusunun əsgəri olan Elvin İsmayılov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsində iştirak edib. Cəbrayılın və Füzulinin azadlığı uğrunda gedən döyüşlərdə vuruşub. 2 oktyabr 2020-ci ildə Füzuli rayonu istiqamətində döyüş tapşırığının yerinə yetirilməsi zamanı şəhid olub. Sumqayıt Şəhidlər Xiyabanında dəfn olub.
Azərbaycan Prezidenti İlham Əliyevin Sərəncamına əsasən, "Vətən uğrunda", “Cəsur döyüşçü”, “Füzulinin azad olunmasına görə” medalı ilə təltif edilib.
