Sumqayıt adambaşına düşən pərakəndə ticarət dövriyyəsinə görə Azərbaycanın ən yüksək göstəriciyə malik şəhərləri sırasında yer alıb.
Dövlət Statistika Komitəsinin məlumatına görə, Sumqayıtda hər bir sakinə orta hesabla 5165,4 manat pərakəndə ticarət dövriyyəsi düşür.
Reytinqə 17547,9 manat göstərici ilə Bakı rəhbərlik edir. İkinci yerdə 5613,8 manat ilə Mingəçevir, üçüncü yerdə isə Sumqayıt qərarlaşıb.
İlk onluqda həmçinin Şirvan, Gəncə, Bərdə, Quba, Hacıqabul, Ağdaş və Şəki şəhər və rayonları yer alır.
Qeyd edək ki, adambaşına düşən pərakəndə ticarət dövriyyəsi qiymətlərin yüksəkliyini deyil, bir nəfərin il ərzində mağaza, market və digər pərakəndə ticarət obyektlərində orta hesabla nə qədər alış-veriş etdiyini göstərən iqtisadi göstəricidir. Bu göstərici əhalinin istehlak səviyyəsini əks etdirən əsas meyarlardan biri hesab olunur.
Mənbə: Modern.аz
