Sumqayıt şəhəri 9 və 11-ci siniflər üzrə buraxılış imtahanlarının nəticələrinə əsasən yüksək göstəriciləri ilə seçilib.
Bu barədə məlumat DİM-in nəşr etdiyi "Abituriyent" jurnalının 12-ci sayında dərc olunan elmi-statistik təhlildə yer alıb.
Məlumata görə, 9-cu siniflər üzrə buraxılış imtahanında ən yüksək nəticə göstərən şəhər və rayonlar arasında Sumqayıt ilk sırada qərarlaşıb. Şəhər üzrə orta statistik göstərici 149,34 bal təşkil edib.
11-ci siniflər üzrə buraxılış imtahanının nəticələrində də Sumqayıt ən yüksək göstəriciyə malik şəhərlər sırasında yer alıb. Bu mərhələdə şəhər üzrə orta statistik nəticə 156,58 bal olub.
Mənbə: AzEdu.az
