503 nömrəli marşrut üzrə müasir və komfortlu avtobuslar xəttə buraxılır.
Sumqayit24.az xəbər verir ki, bu barədə Yerüstü Nəqliyyat Agentliyi (AYNA) məlumat yayıb.
AYNA tərəfindən sözügedən marşrut üzrə keçirilən müsabiqələrdə qalib gələn daşıyıcı – “BakuBus” MMC yeni avtobuslarla xətlərin istismarını sentyabrın 15-dən həyata keçirəcək.
Qeyd edək ki, Bakı Beynəlxalq Avtovağzal Kompleksini Sumqayıt şəhəri ilə əlaqələndirən 503 nömrəli marşrut üzrə gedişhaqqı 0.70 AZN təşkil edəcək.
Bu marşrut üzrə sərnişindaşıma nağdsız ödəniş əsasında həyata keçiriləcək.
Xatırladaq ki, 503 saylı avtobus bir müddət idi işləmirdi. Sumqayıt şəhəri ilə Abşeron rayonunun Saray qəsəbəsini birləşdirən bu marşrut xəttinin fəaliyyətini dayandırması sakinlərin narazılığına səbəb olmuşdu.
