Sumqayıtda sənaye müəssisələrinin fəaliyyəti ilə bağlı narazılıqlar yenidən gündəmə gəlib.
Sakinlərin Sumqayit24.az-a bildirdiyinə görə, H.Z.Tağıyev qəsəbəsinə gedən yolun kənarında yerləşən zavodlar havaya zəhərli tüstü buraxır.
Məsələ xüsusilə bazar günü, yəni dünən daha da kəskinləşib. Gün ərzində əraziyə qalın tüstü və kəskin qoxu yayılıb. Şikayətçilərin sözlərinə görə, yayılan iy nəfəs almağı çətinləşdirib. Bu hal ilk dəfə deyil və hər dəfə oxşar vəziyyət yaşanır.
Ərazidə yaşayan bəzi ailələr uşaqları çölə buraxmadıqlarını, pəncərələri açmadıqlarını deyirlər. Tüstünün və qoxunun yaxınlıqdakı yaşayış sahələrinə qədər gəlib çatdığı vurğulanır.
Videoda zavodların fəaliyyət göstərdiyi ərazilərdə qalxan tüstü aydın görünür. Sakinlər məsələ ilə bağlı dəfələrlə şikayət etdiklərini, lakin nəticə olmadığını bildirirlər. Onlar aidiyyəti qurumlardan tədbir görülməsini və məsələ ilə bağlı rəsmi açıqlama verilməsini tələb edirlər.
View this post on Instagram
