Son vaxtlar sərnişinlərin ən çox maraq göstərdiyi məsələlərdən biri də "Azərbaycan Dəmir Yolları" QSC-nin qatar parkının yenilənməsi ilə bağlıdır. Məlumata görə, Bakı və bölgələr arasında hərəkət edən qatarların sayı, komfort səviyyəsi və yeni vaqonların gətirilməsi barədə cəmiyyətdə tez-tez suallar səslənir.
ADY-dən Baku.ws-ə bildirilib ki, 2023-cü ildə İsveçrənin "Stadler" şirkətinin istehsalı olan "FLIRT" markalı 10 ədəd yeni müasir qatar ölkəyə gətirilib:
"Test yürüşlərindən sonra qatarlar sərnişinlərin istifadəsinə verilib. Hazırda yeni qatarlar Bakı–Qazax–Bakı və Bakı–Qəbələ–Bakı xətləri üzrə fəaliyyətdədir. Yuxarıda qeyd edilən Dövlət Proqramına əsasən, 2025−2030-cu illərdə 20 ədəd yeni sərnişin qatarının alınması nəzərdə tutulur".
